18 декабря, 2017 в 19:06,
Нет комментариев
<<Այսօր>>
Այսօր կիրակի է,
Լվացք պիտ անեմ,
Հոգիս կգցեմ պատուհանիս մաշված ուսերին,
և մի ճյուղ կպոկեմ չորացած ծառից՝ծեր այգեպանի,
և հարվածներով կմաքրեմ փոշուց հին քաղաքների,
հետո կգցեմ ծովը վարարած,
որ սևը մաքրի հոգուս թելերի,
և կախ կտամ երկնի պարանից,
(ցավաջրերը քամին կքամի),
թող մնա այնտեղ մինչև լուսաբաց,
որ առավոտյան նորից պիտ կարեմ մարմնիս որբացած…
Անի Հերունի Սաջյան